Atzoko astelehenean, azaroak 30, Henry “Junjo” Lawes produktorearen irratsaio berezia egin genuen. Aurreko bi astetan kale egin ondoren, eguraldi kaxkar honetarako abesti goxoak entzungai izango dituzue irratsaioan zehar. Abeslari desberdinen artean Yellowman izan zen Junjo-k produzitutako handienetako bat. Kasualidadeak direla eta, aurreko astean Yellowman-en kontzertua ikusteko eta bertan, irratsaio honetan entzungai duzuen elkarrizketa egiteko aukera ere izan genituen. Sustraiak & kultura!!!
Ostegunean King Yellowman-en kontzertua egon zen Bilboko Kafe Antzokian. Bertara gerturatu ginen irratikide pare bat eta jamaikar abeslari albinoari elkarrizketa bat egitea lortu genuen. Aste honetan izango duzue entzungai elkarrizketa asteleheneko Dub At The Controls eta osteguneko Babylon Sutan reggae irratsaioetan. Ez zazue galdu!!
Hementxe uzten dizuegu Dub At The Controls-eko 4.irratsaioa. Bertan, Babylon Sutan-ek bilboko Kafe Antzokian U-Roy eta Pablo Moses-i egindako elkarrizketak entzungai daude. Irratsaioaren 2. zatian frantziatik iritsi zaizkigun reggae eta dub doinu berriak ezagutzeko aukera ere izango duzue. Hurrengorarte!!
Aurreko igandean Bilboko kafe antzokianU-roy eta Pablo Moses abeslarien kontzertua ikusi ahal izan genuen. Aitzaki horrekin, bihar, apirilak 23 osteguna, arratsaldeko 8retatik aurrera donostiako Ttan Ttakun irratikoBabylon Sutan irratsaioan David-ek bi abeslari hauei egindako elkarrizketak entzun ahalko ditugu. Ostegunean entzuteko aukerarik ez baduzue, larunbatean eguerdiko 12etatik aurrera Dub At The Controls irratsaioan baita entzungai FM-ko 106.8an!
Hemen uzten dizkizuegu U-roy eta Pablo Moses Babylon Sutan irratsaioari eginiko jingleak, ikaragarriak!!
Hemen uzten dizuegu Dub At The Controls lehenengo irratsaioa. Urduritasun guztien artean roots musika pixka bat, Linval Thompson-i egindako elkarrizketa eta produkzio/abesti berriak. Ea gustokoa duzuen!
Mikey Dread – Roots and Culture (Dread at The Controls)
King Tubby – Dubbing My Way
Linval Thompson – Jah Jah The Conqueror
Linval Thompson elkarrizketa
Linval Thompson – Goverment People
BDF ft. Alton Ellis – Peaceful Valley (Heartical)
The First Light Orchestra – Natty Dread No Dead (Matxino Records)
Dreadrive ft. Inyaki Yarritu – Jamtone Undreground (Dreadrive Musik Prod.)
Aste honetan Linval Thompson jamaikar reggae produktore eta abeslari handiari egindako elkarrizketa entzungai egongo da Ttan Ttakun Irratian. Linval europako tour-a dabil egiten egun hauetan Lone Ark talde kantabriarekin, eta hoixe aitzaki hartuta elkarrizketa egitea lortu egin da. Donostiako irrati honen (106.8 FM) bi reggae irratsaioetan entzungai izango da, ostegunean arratsaldeko 8retatik aurrera “Babylon Sutan” saioan eta larunbatean eguerdiko 12etan irrati honetan estreinatu egiten den “Dub At The Controls” irratsaioan. Ez galdu!! Hementxe uzten dizuegu irratiari egindako jinglea:
Pavle Djukic-ek zuzendu duen taldearen (The First Light Orchestra) 10 hatz-markako binilozko diska kalean dugu jada! 3 abesti aurkituko ditugu bertan. Alde batetik Natty Dread No Dead abestia bere dub bertsio luzapenarekin eta beste aldetik 2 abesti izango dira entzungai: Before It’s Too Late eta Under Pressure Skank. Aurreratzen dizuegu, informazio gehio nahi baduzue ostegun honetan ttanttakun irratiko (106.8FM) Babylon Sutan saioan entzungai izango duzuela reggae musikari/ekoizle honi egindako elkarrizketa. Bertan diskaren inguruko eta beste gai batzuei buruzko gauzak entzun ahalko dituzue.
Diska eskuratu nahi baduzue gurekin jarri zaitezkete kontaktuan (rudekanka@gmail.com) edota zigiluarekin zuzenean, hurrengo web helbidea bixitatuz:
